🌷വരി ⁦⁦4️⃣⁦3️⃣🌷 ഈ കാര്യം ശ്രദ്ധിച്ചു മദ്ഹ് പറയുക || ബുര്‍ദ ലൈന്‍ - 43 || ഖസ്വീദത്തുൽ ബുർദ* *ആശയം, വിശദീകരണം - ⁦⁦4️⃣⁦3️⃣

 

🔹🔸🔹🔸🔹🔸🔹🔸🔹🔸

* ഖസ്വീദത്തുൽ ബുർദ*

*ആശയം, വിശദീകരണം -  ⁦⁦4️⃣⁦3️⃣*

〰️〰️〰️〰️〰️〰️〰️〰️〰️〰️

🔘 ﺑﺴۡـــــــــﻢِ ﭐﻟﻠﻪِ ﭐﻟﺮَّﺣۡـﻤَـٰﻦِ ﭐﻟﺮَّﺣِـــــــﻴﻢ 🔘

🌹مــــوْلاَيَ صَلِّ وَسَلِّمْ دَائِمًا أَبَدًا✨

عَلَى حَبِيبِكَ خَيْرِ الْخَلْقِ كُــــلِّـــــهِـــــمِ✨

*🌷വരി ⁦⁦4️⃣⁦3️⃣🌷*

*ِ🌹دعْ مَا ادَّعَتْـهُ النَّصَـارَى فِى نَـبِـيِّـهِـمِ*✨

 *وَاحْكُمْ بِـمَا شِـئْتَ مَدْحًا فِـيـهِ وَاحْتَكِـمِ*🌹

*നസ്വാറാക്കൾ അവരുടെ നബിയെക്കുറിച്ച് (ഈസാ നബി عليه السلام) അതിരു കവിഞ്ഞു വാദിച്ചതു  പോലെ നീ ചെയ്യരുത്. നിനക്കു ബോധിച്ച മറ്റേത് വിശേഷണങ്ങളും പുണ്യ നബിയിലേക്ക് ﷺ നിസ്സങ്കോചം ചാർത്തുകയും ചെയ്തോളൂ.*

ನಸ್ವಾರಿಗಳು ತಮ್ಮ ಪ್ರವಾದಿ (ಈಸಾ ನಬಿ عليه السلام) ಅವರ ಬಗ್ಗೆ ಮಿತಿ ಮೀರಿ ವಾದ ಮಾಡಿದಂತೆ ಮಾಡಬೇಡಿ. ನೀವು ಕಲಿಸಿದ ಯಾವುದೇ ಇತರ ಗುಣಲಕ್ಷಣಗಳನ್ನು ಪವಿತ್ರ ಪ್ರವಾದಿ ﷺ ಅವರಿಗೆ ಹೇಳಲು ಹಿಂಜರಿಯಬೇಡಿ.

**************************************

*പദാനുപദ  അർത്ഥം*

دٙعْ=

നീ ഒഴിവാക്കുക 

 مَا=

ഒരു വാദത്തെ 

 ادَّعَتْـهُ =

അതിനെ വാദിക്കുന്നുണ്ട് 

النَّصَـارَى=

ക്രിസ്ത്യാനികൾ 

 فِى نَـبِـيِّـهِـمِ=

അവരുടെ നബിയിൽ

 وَاحْكُمْ =

നീ പ്രസ്താവിച്ചോളൂ

بِـمَا شِـئْتَ=

നിനക്ക് ബോധ്യമായതൊക്കെയും 

 مَدْحًا =

 വിശേഷണങ്ങളാൽ 

فِـيـهِ =

മുത്ത് നബി ﷺ തങ്ങളിൽ

وَاحْتَكِـمِ=

നീ അതിൽ ഉറച്ച നിലപാട് എടുക്കുകയും ചെയ്തോളൂ

**************************************

_അറ്റമില്ലാത്ത മഹത്വത്തിനുടമയായ പുണ്യ റസൂൽ  ﷺ തങ്ങളെക്കുറിച്ച് എത്ര വർണിച്ചാലും അവിടുത്തെ ﷺ പൂർണമായി അനാവരണം ചെയ്യുക സാധ്യമല്ല. എത്ര പുകഴ്ത്തിയാലും മതിവരികയുമില്ല. തിരുനബി ﷺ അനുരാഗികൾ  പലപ്പോഴും വിമർശനവിധേയരാകുന്നത് അവർ മുത്ത് നബി  ﷺ തങ്ങളെ പരിധിയിലധികം പുകഴ്ത്തുന്നു എന്നതാണ്. മഹാനായ ബൂസ്വീരി ഇമാമിന്റെ رضي الله عنه 'ഖസ്വീദത്തുൽ ബുർദയും' ഇത്തരത്തിൽ വിമർശിക്കപ്പെടുന്നുണ്ട്._

_എന്നാൽ  ഈ ഒരു വരിയിൽ നിന്നു തന്നെ മഹാനായ ബൂസ്വീരി ഇമാം رضي الله عنه വിമർശകരുടെ വാദത്തിനപവാദമായി തന്റെ തിരുനബി ﷺ കീർത്തനത്തിൽ ഒരു വാചകം പോലും അതിരുവിട്ടു പറഞ്ഞിട്ടില്ലെന്ന് വ്യക്തമാക്കുന്നു. ലോകമുസ്‌ലിമീങ്ങൾ നൂറ്റാണ്ടുകളായി അത് അംഗീകരിക്കുകയും ചെയ്യുന്നു. ആർക്കെങ്കിലും അത് മനസ്സിലായിട്ടില്ലെങ്കിൽ അവരുടെ വീക്ഷണവൈകല്യമാണ് അതിനു കാരണം എന്ന് നമുക്ക് നിസംശയം പറയാം._

_ഈസാനബിയെ  عليه السلام ക്രിസ്ത്യാനികൾ  ദൈവപുത്രനായി  സങ്കൽപ്പിച്ചു. അതിരു കടന്ന അപദാനം/പുകഴ്ത്തൽ അവരെ വഴി തെറ്റിക്കുകയായിരുന്നു. ക്രൈസ്തവർ ഈസാ നബിയെ عليه السلام കുറിച്ചും യഹൂദർ മൂസാ നബിയെ കുറിച്ചും عليه السلام വാദിച്ചതു പോലെ,  തന്നെ ദൈവമോ ദൈവത്തിന്റെ അവതാരമോ ആയി ഗണിക്കരുത് എന്ന് തിരുനബി ﷺ തന്റെ ശിഷ്യന്മാരെ കർശനമായി താക്കീത് ചെയ്തിരുന്നു. ആരാധിക്കപ്പെടുന്ന ഒരു ബിംബം ആവാതിരിക്കുക എന്നുള്ളത് മുത്ത് നബിയുടെ ﷺ ഒരു മുഅ്ജിസത്തും അത് അല്ലാഹുവിൽ നിന്ന് തിരുനബി ﷺ പ്രത്യേകം ചോദിച്ച് വാങ്ങിയ പ്രാർത്ഥനയുമാണ്. അതുകൊണ്ടുതന്നെ അവിടുത്തോടുള്ള ﷺ അടങ്ങാത്ത പ്രണയപ്രകടനങ്ങളാൽ ഒരു കാരണവശാലും അവിടുത്തെ ﷺ അനുയായികൾ ശിർക്കിൽ പെട്ടു പോവുകയില്ല എന്ന് നിസ്സംശയം പറയാം._ 

_മുത്ത് നബി ﷺ തന്റെ ശിഷ്യന്മാരെ ഈ ഒരു മൂശയിൽ വാർത്തെടുത്തിരുന്നില്ലെങ്കിൽ പൂർവ നബിമാരുടെ അനുയായികൾ ചെയ്തതു പോലെ  സ്വഹാബത്തിന്റെ പിൻഗാമികളും തെറ്റായ വാദങ്ങൾ ഉന്നയിക്കുകയും മുത്ത് നബി ﷺ തങ്ങളുടെ പ്രതിമയോ ഛായാചിത്രങ്ങളോ വെച്ച് പൂജിക്കുകയോ ചെയ്യുന്ന അവസ്ഥ വരുമായിരുന്നു. ഇസ്ലാം പ്രതിമ നിർമാണത്തേയും ജീവനുള്ള വസ്തുക്കളുടെ ചിത്രങ്ങൾ വരക്കുന്നതിനേയും വിലക്കിയത് തൗഹീദിൽ അതു കാരണം സംഭവിച്ചേക്കാവുന്ന കലർപ്പിനെ തടയുന്നതിന് വേണ്ടിയാണ്._

_വിമർശകർ  വിമർശിച്ചുകൊണ്ടേയിരിക്കട്ടെ... നമുക്ക് പ്രണയിച്ചു കൊണ്ടേയിരിക്കാം... പ്രണയിക്കപ്പെടാൻ ഏറ്റവും അർഹരായ തിരുനബി ﷺ തങ്ങളുടെ പ്രകീർത്തനങ്ങൾ പാടിക്കൊണ്ടേയിരിക്കാം. അതേ, "പാടൂ... പാടൂ" എന്നുള്ള ആഹ്വാനം തന്നെയാണ് ഈ വരികളിലൂടെ  ബൂസ്വീരി ഇമാംرضي الله عنه നമുക്ക് നൽകുന്നതും._

(തുടരും, إن شاء الله).

▪️▪️▪️▪️▪️▪️▪️▪️▪️▪️▪️

_*മുത്ത് നബിയെ ﷺ കാണണം, ഉറക്കിലും ഉണർവിലും കാണണം. അവിടുത്തെ ﷺ പൂർണ്ണതയിൽ കൺ കുളിരെ കാണണം. അവിടുത്തെ ﷺ മൊഴിമുത്തുകൾ കേൾക്കണം.  ജന്നാത്തുൽ ഫിർദൗസിൽ അവിടുത്തോടൊപ്പം ﷺ ഒരുമിച്ചു കൂടണം.*_ 

_*നീ തൗഫീഖ് ചെയ്യണേ الله...*_

*امين امين امين يا ارحم الراحمين...*

▪️▪️▪️▪️▪️▪️▪️▪️▪️▪️▪️