🐂 ഉള്ഹിയ്യത്ത് ചില 🐂 ❓സംശയനിവാരണം❓
*🐂 ഉള്ഹിയ്യത്ത് ചില 🐂*
*❓സംശയനിവാരണം❓*
*=======================*
*=======================*
⭕ഉള്ഹിയ്യത്ത് മൃഗങ്ങൾ ഏതെല്ലാം❓*
🅰️അഞ്ചു വയസ്സായ ഒട്ടകം, രണ്ടു വയസ് പൂർത്തിയായ മാട് (കാള, പശു, എരുമ, പോത്ത്), രണ്ടു വയസ് പൂർത്തിയായ കോലാട്, ഒരു വയസ് പൂർത്തിയാവുകയോ ആറുമാസത്തിനുശേഷം പല്ല് കൊഴിയുകയോ ചെയ്ത നെയ്യാട് എന്നിവയാണ് ഉള്ഹിയ്യത്ത് മൃഗങ്ങൾ (തുഹ്ഫ: 9/348).
*⭕നമ്മുടെ നാട്ടിൽ കാണപ്പെടുന്ന ആട് ഏതാണ്❓*
🅰️കോലാട്. അതിനു രണ്ടു വയസ് പൂർത്തിയാവണം.
*⭕ഉള്ഹിയ്യത്ത് മൃഗത്തിന്റെ നിബന്ധന❓*
🅰️മാംസം ചുരുക്കുകയോ ചീത്തയാക്കുകയോ ചെയ്യുന്ന ന്യൂനത മൃഗത്തിൽ ഉണ്ടാവരുത് (തുഹ്ഫ: 9/351).
*⭕ഉടച്ച മൃഗം ഉള്ഹിയ്യത്തിനു പറ്റുമോ❓*
🅰️പറ്റും. ഉടച്ച മൃഗമാവുക, വാൽ, അകിട് എന്നിവ സൃഷ്ടിപ്പിൽ തന്നെ ഇല്ലാതിരിക്കുക, കൊമ്പില്ലാതിരിക്കുക എന്നിവയൊന്നും ന്യൂനതയല്ല. കൊമ്പുള്ളതിനെ അറക്കലാണ് ഉത്തമം. കൊമ്പ് പൊട്ടിയതിന്റെ നാശം മാംസത്തെ ബാധിക്കുമെങ്കിൽ അതു ന്യൂനതയാണ് (തുഹ്ഫ: 9/351-353).
*⭕ഉള്ഹിയ്യത്ത് കർമം നിർവഹിക്കൽ നബി(സ്വ)ക്ക് നിർബന്ധമായിരുന്നോ❓*
🅰️അതേ, ഒരു തവണ ആ കർമം നിർവഹിക്കൽ നബി(സ്വ)ക്ക് നിർബന്ധമായിരുന്നു (ഇആനത്ത്: 2/325).
*⭕നജസുള്ള കത്തികൊണ്ട് അറവ് നടത്താമോ❓*
🅰️അതേ, ഒരു മൃഗത്തെ അറത്ത് കത്തി കഴുകാതെ നജസുള്ള ആ കത്തികൊണ്ട് മറ്റൊരു മൃഗത്തെ അറത്താൽ ആ അറവ് സ്വഹീഹാണ് (തുഹ്ഫ: 1/176).
*⭕മറ്റൊരാൾക്കുവേണ്ടി ഉള്ഹിയ്യത്തറുക്കാമോ❓*
🅰️അവന്റെ സമ്മതത്തോടെ അറക്കാം (തുഹ്ഫ: 9/368).
*⭕മരണപ്പെട്ടവർക്കുവേണ്ടി അറക്കാമോ❓*
🅰️മയ്യിത്തിന്റെ വസ്വിയ്യത്തുണ്ടെങ്കിൽ അറക്കാം (തുഹ്ഫ: 9/368).
*⭕ചെറിയ കുട്ടികൾക്കുവേണ്ടി ഉള്ഹിയ്യത്തറക്കാമോ❓*
🅰️പിതാവ്, പിതാമഹൻ എന്നിവർ അവരുടെ ധനത്തിൽ നിന്നു ചെറിയ കുട്ടികൾക്കുവേണ്ടി അറക്കാവുന്നതാണ്. കുട്ടികളുടെ ധനം എടുത്തു അറക്കാവതല്ല. പിതാവും പിതാമഹനും അല്ലാത്തവർ ചെറിയ കുട്ടികൾക്കുവേണ്ടി ഉള്ഹിയ്യത്ത് അറക്കാവതല്ല (തുഹ്ഫ: 9/344).
Post a Comment